Karatteristiċi oħra

Tajba

Iċċekkja b'lenti

Stampar irqiq ħafna: F'xi partijiet tal-karta tal-flus tista' tara kitba rqiqa, e.g. fl-"EYPΩ" (EURO b'ittri Griegi) fuq in-naħa ta' quddiem. Ikollok bżonn lenti biex taraha. L-istampar b’ittri żgħar ħafna jintgħaraf sewwa (mhuwiex sfukat).

1. Stampar irqiq

Xi partijiet tal-karta tal-flus fihom sensiela ta’ ittri żgħar. Dawn l-ittri rqaq jistgħu jinqraw b’lenti. L-ittri huma ċari mhux sfukati.

2. F'dawl ultravjola standard:

Il-karta nnifisha ma tixgħelx, i.e. ma tarmix dawl u tidher skura.

• Fil-karta jidhru fibri żgħar. Kull fibra fiha tliet kuluri differenti
• Fuq in-naħa ta’ quddiem, l-istilel fil-bandiera tal-Ewropa, iċ-ċrieki ż-żgħar kif ukoll l-istilel il-kbar jixegħlu isfar. Diversi partijiet oħra wkoll jixegħlu isfar

Fuq in-naħa ta’ wara, il-kwart ta’ ċirku li jinsab f'nofs il-karta kif ukoll diversi partijiet oħra jixegħlu aħdar. In-numru tas-sensiela orizzontali u strixxa jidhru ħomor.

3. F'dawl ultravjola speċjali (UV-C)

Fuq in-naħa ta’ quddiem, iċ-ċrieki ż-żgħar fin-nofs jixegħlu isfar, l-istilel il-kbar u diversi partijiet oħra jixegħlu oranġjo. Jidher ukoll is-simbolu tal-€.

4. Dawl infrared

F’dawl infrared, fuq in-naħa ta' quddiem tal-karta tal-flus, jibqgħu jidhru biss in-numru aħdar żmerald, il-parti tal-lemin tax-xbieha ewlenija u l-istrixxa lewn il-fidda. Fuq in-naħa ta’ wara jibqgħu jidhru biss iċ-ċifra tal-valur u n-numru tas-sensiela orizzontali.