Karti tal-flus

Denominazzjonijiet

Hemm seba’ denominazzjonijiet tal-karti tal-flus tal-euro: €5, €10, €20, €50, €100, €200 u €500. Huma valuta legali fiż- żona tal-euro kollha. Fihom stili arkitettoniċi minn perjodi differenti fl-istorja tal-Ewropa.

lura għall-bidu

L-elementi tad-disinn

Fuq in-naħa ta’ quddiem il-karti tal-flus juru twieqi u bibien. Dawn huma simbolu tal-ispirtu Ewropew ta’ onestà u kooperazzjoni. It-12-il stilla tal-Unjoni Ewropea (UE) jirrappreżentaw id-dinamiżmu u l-armonija tal-Ewropa ta' żmienna. Il-pontijiet fuq in-naħa ta’ wara huma simbolu tal-komunikazzjoni bejn il-poplu tal-Ewropa u bejn l-Ewropa u l-bqija tad-dinja.

It-twieqi, il-bibien u l-pontijiet li jidhru fuq il-karti tal-flus huma tpinġijiet stilizzati mhux xbihat ta' jew minn bini li jeżisti tassew.

Elementi oħra tad-disinn huma:

• l-isem tal-munita – euro – kemm bl-alfabett Latin (EURO) kif ukoll b’dak Grieg (EYPΩ);
• l-inizjali tal-Bank Ċentrali Ewropew f’ħames varjanti lingwistiċi – BCE, ECB, EZB, EKT u EKP – li jkopru l-11-il lingwa uffiċjali (fl-2002) tal-UE;
• is-simbolu © li jindika l-ħarsien tad-drittijiet tal-awtur; u
• il-bandiera tal-UE.

Il- kompetizzjoni tad-disinn fl-1996 għall-ewwel sensiela tal-karti tal-flus tal-euro.

Mappa tal-Ewropa

Il-karti tal-flus juru rappreżentazzjoni ġeografika tal-Ewropa. Din ma turix il-gżejjer li huma iżgħar minn 400 kilometru kwadru għax il-proċess ta' stampar offset f'numri kbar ma jippermettix ir-riproduzzjoni eżatta tal-elementi żgħar tad-disinn.

Il-kaxxi ż-żgħar in-naħa t'isfel tal-karti tal-flus juru l-Gżejjer Kanarji u xi territorji barranin ta' Franza fejn l-euro jintuża wkoll.

Kodiċijiet tal-pajjiżi

Il-bank ċentrali li kkummissjona l-istampar ta' karta tal-flus (mhux bilfors il-pajjiż fejn sar l-istampar) hu indikat b'ittra jew kodiċi tal-pajjiż qabel in-numru tas-serje, kif jidher hawn taħt:

Din il-karta tal-flus partikolari, li fiha l-ittra 'S', ġiet stampata għall-Banca d'Italia. Il-kodiċijiet tal-pajjiżi huma elenkati hawn taħt.

Kodiċijiet tal-pajjiżi
(1) Karti tal-flus ta' l-euro maħruġa mill-Banque centrale du Luxembourg li għad ma ħarġux fiċ-ċirkolazzjoni għandhom il-kodiċi tal-banek ċentrali tal-pajjiżi li pproduċew il-karti tal-flus għall-Lussemburgu.
Il-Belġju	Z
Il-Ġermanja	X
L-Estonja	D
L-Irlanda	T
Il-Greċja	Y
Spanja	V
Franza	U
L-Italja	S
Ċipru	G
Il-Lussemburgu	( 1 )
Malta	F
L-Olanda	P
L-Awstrija	N
Il-Portugall	M
Is-Slovenja	H
Is-Slovakja	E
Il-Finlandja	L

lura għall-bidu